"ربنا خلق الشيطان لمصلحتنا".. تفاصيل تصريح مثير

رد الدكتور علي جمعة، عضو هيئة كبار العلماء في الأزهر الشريف ومفتي الديار المصرية السابق، على سؤال طفل يقول "ليه ربنا سايب الشيطان يوسوس لنا؟".

وخلال حلقة برنامج "نور الدين" أوضح أن "الشيطان بيوسوس ويجري، العبرة فيك انت بتطاوعه ليه، ربنا جاب لك واحد بيقولك تيجى نعمل الشر ويجرى، طيب لو ما كنش فيه حد يقولك، كانت نفسك هتكون أمارة بالسوء".

وتابع: "ربنا خلق الشيطان ليكون فرصة ليك، تعرف تميز الشر والخير، والشيطان معمول لمصلحتنا علشان ينبهنا إن الحاجة دي خطأ، فنبتعد عنها ونستعيذ بالله منها".

وأجاب على سؤال طفلة تقول: " هل الشيطان له عبادة يعبدها، قبل طرده من رحمة الله؟"، وقال علي جمعة: "الشيطان كان يسجد ويركع ويذكر الله ويقوم بكل العبادات التي تقوم بها الملائكة ولكن لما طرد من رحمة الله معرفش يعمل كده ووجد نفسه خارج النطاق ومنشغل بعرض الضلالة على الناس".

وأضاف: "الشيطان منشغل بابن آدم وأنه سبب خروجه من العبادة والجنة ولذلك يريد أن يضله وهذا نوع من أنواع الغباوة والكبر".